Search
Search Criteria
Products meeting the search criteria
Authors : Surjit Patar
Page :
Format : Paper Back
Language : Punjabi
| Suraj Mandar diyan Pauriyan by Surjit Patar Punjabi Prose book Online ਸੂਰਜ ਮੰਦਰ ਦੀਆਂ ਪੌੜੀਆਂ ਸੁਰਜੀਤ ਪਾਤਰ ਜੀ ਦੀ ਲਿਖੀ ਇੱਕੋ ਇੱਕ ਵਾਰਤਕ ਕਿਤਾਬ ਹੈ। ਇਹ ਇਕੱਲੀ ਵਾਰਤਕ ਹੀ ਨਹੀਂ ਹੈ ਕੁਝ ਕਵਿਤਾਵਾਂ ਵੀ ਹਨ। ਇਸ ਕਿਤਾਬ ਵਿੱਚ ਸੁਰਜੀਤ ਪਾਤਰ ਨੇ ਵੱਖ ਲਿਖਿਆ ਹੈ ਕਿ ਕਿਵੇਂ ਕੁਝ ਕਵਿਤਾਵਾਂ ਨੇ ਜਨਮ ਲਿਆ। ਕਿਹੜੀਆਂ ਕਿਹੜੀਆਂ ਘਟਨਾਵਾਂ ਨੇ ਮਨ ਤੇ ਅਸਰ ਕੀਤਾ ਤੇ ਉਸਦੇ ਨਤੀਜੇ ਵਜੋਂ ਕਿਸ ਕਵਿਤਾ ਦਾ ਜਨਮ ਹੋਇਆ ।ਇੰਝ ਬਹੁਤ ਸਾਰੀਆਂ ਕਵਿਤਾਵਾਂ ਦੇ ਪਿੱਛੇ ਕੀ ਕਾਰਨ ਸੀ ਪਤਾ ਚਲਦਾ ਹੈ ।ਕਿਤਾਬ ਵਿੱਚ ਪਾਤਰ ਜੀ ਦੀ ਜਿੰਦਗੀ ਨਾਲ ਜੁੜੇ ਕਈ ਸਾਹਿਤ ਨਾਲ ਸਬੰਧਤ ਵਿਅਕਤੀਆਂ ਦੇ ਨਾਲ ਮੁਲਾਕਾਤਾਂ ਦਾ ਜਿਕਰ ਹੈ । ਸ਼ਿਵ, ਪਾਸ਼,ਮੀਸ਼ਾ, ਕੁਲਵੰਤ ਵਿਰਕ, ਦੀਦਾਰ ਸਿੰਘ, ਅਮਿਤੋਜ, ਮੋਹਨ ਸਿੰਘ, ਸੰਤ ਸਿੰਘ ਸੇਖੋਂ, ਜੋਗਿੰਦਰ ਸਿੰਘ ਕੈਰੋਂ, ਅਮਰਜੀਤ ਗਰੇਵਾਲ ਬਾਰੇ ਲੇਖ ਹਨ। ਆਪਣੀ ਜਿੰਦਗੀ ਬਾਰੇ ਆਪਣੇ ਪਰਿਵਾਰ ਬਾਰੇ ਇਕ ਲੇਖ ਹੈ । ਸੁਰਜੀਤ ਪਾਤਰ ਜਿੰਨਾ ਦੀ ਕਵਿਤਾ ਆਮਤੌਰ ਤੇ ਸਮਝ ਆਣ ਵਾਲੀ ਹੁੰਦੀ ਹੈ । ਉਹਨਾਂ ਦੀ ਵਾਰਤਕ ਨੇ ਵੀ ਬਹੁਤ ਅਰਾਮ ਨਾਲ ਆਪਣੇ ਨਾਲ ਜੋੜ ਲਿਆ । ਬਹੁਤ ਸਾਰੇ ਸਾਹਿਤਕਾਰਾਂ ਦੇ ਜੀਵਨ ਬਾਰੇ ਪਤਾ ਚਲਦਾ ਹੈ । ਕਿਸੇ ਦੀ ਕਵਿਤਾ ਸੁਣੀਦੀ ਹੈ ਤਾਂ ਕਈ ਵਾਰ ਕਵੀ ਖੁਦ ਸਮਝਾਉਂਦਾ ਹੈ ਕਿ ਮਤਲਬ ਹੈ ਤੇ ਕਿਉਂ ਲਿਖੀ ਹੈ। ਫਿਰ ਕਵਿਤਾ ਪੂਰੀ ਤਰ੍ਹਾਂ ਸਮਝ ਆਉਂਦੀ ਹੈ । ਇਹ ਕਿਤਾਬ ਪੜ੍ਹ ਕੇ ਇੰਝ ਲੱਗਦਾ ਹੈ ਕਿ ਇਸ ਵਿਚਲੀਆਂ ਕਵਿਤਾਵਾਂ ਬਾਰੇ ਸੁਰਜੀਤ ਪਾਤਰ ਖੁਦ ਸਮਝਾ ਰਹੇ ਹਨ । |
Authors : Baldev Singh
Page :
Format : Hard bound
Language : Punjabi
| Saraknama by Baldev Singh Punjabi Prose book Online ਕਿਸੇ ਨੇ ਬਲਦੇਵ ਸਿੰਘ ਦਾ ਸੜਕਨਾਮਾ ਪੜਨ ਲਈ ਕਿਹਾ ਤਾਂ ਮੈਂ ਕਿਹਾ ਕਿ ਕੋਈ ਨਵੀਂ ਕਿਤਾਬ ਹੈ ਇਹ? ਤਾਂ ਜਵਾਬ ਸੀ ਨਹੀਂ ਪਹਿਲਾਂ ਨਾਗਮਣੀ ਸੀ, ਜੋ ਕਿ ਅੰਮ੍ਰਿਤਾ ਪ੍ਰੀਤਮ ਦੀ ਪਤਰਿਕਾ ਸੀ।ਉਸ ਵਿਚ ਛਪਦੇ ਲੇਖ। ਬਾਅਦ ਵਿਚ ਉਸ ਸਭ ਨੂੰ ਮਿਲਾ ਕੇ ਇਕ ਕਿਤਾਬ ਬਣਾਈ ਗਈ। ਸ਼ੁਰੂ ਕੀਤੀ ਪੜਨੀ। ਸਭ ਤੋਂ ਪਹਿਲਾਂ ਲੇਖ "ਸੜਕਨਾਮਾ"ਜੋ ਕਿ ਇਕ ਗਲਪ ਸੀ। ਪੜ ਕੇ ਲੱਗਾ ਮੁੱਲ ਮੁੜ ਗਿਆ ਕਿਤਾਬ ਦਾ। ਮਨ ਵਿਚ ਆਇਆ ਬਲਦੇਵ ਸਿੰਘ ਜੋ ਕਿ ਇਕ ਟਰੱਕ ਡਰਾਇਵਰ ਸੀ ਕਦੇ ਕਿਵੇਂ ਕਿਵੇਂ ਸੋਚ ਸਕਦਾ ਹੈ ਇੰਝ ਦਾ? ਗਲਪ ਪੜ ਕੇ ਮੈਨੂੰ ਸੱਚੀ ਸੜਕ ਇਕ ਦੁਖਿਆਰੀ ਮਾਂ ਲੱਗੀ। ਜੋ ਆਪਣੇ ਟਰੱਕ ਡਰਾਇਵਰ ਪੁੱਤ ਦੀ ਰਾਹ ਦੇਖ ਰਹੀ ਹੁੰਦੀ ਹੈ। ਉਸਦੀ ਅੱਖਾਂ ਵਿੱਚ ਨੀਂਦ ਕਿੱਥੇ। ਪੁੱਤ ਸੜਕਾਂ ਤੇ ਚੱਲ ਰਿਹਾ ਹੋਵੇ।ਰਾਤ ਨੂੰ ਤਾਂ ਮਾਂ ਦੀਆਂ ਅੱਖਾਂ ਨੂੰ ਨੀਂਦ ਆ ਜਾਵੇ। ਤੇ ਮੈਨੂੰ ਸੜਕਾਂ ਤੇ ਟਰੱਕ ਡਰਾਇਵਰਾਂ ਵਿਚ ਇਕ ਗੂੜਾ ਰਿਸ਼ਤਾ ਨਜ਼ਰ ਆਇਆ। ਫਿਰ ਅੱਗੇ ਪੜਨਾ ਸ਼ੁਰੂ ਕੀਤਾ ਤਾਂ ਇਕ ਅਲੱਗ ਦੁਨਿਆ ਦਾ ਅਹਿਸਾਸ ਹੋਇਆ। ਜਿਸ ਵਲ ਸਾਡਾ ਧਿਆਨ ਹੀ ਨਹੀਂ ਗਿਆ ਹੋਵੇਗਾ।ਸ਼ਾਇਦ ਕਦੇ ਬਲਦੇਵ ਸਿੰਘ ਨੇ ਆਪਣੀ ਹੱਡ ਬੀਤੀ ਜੋ ਕਿ ਉਸਨੇ ਆਪਣੇ ਟਰੱਕ ਡਰਾਇਵਰੀ ਵਾਲੇ ਸਨ ਵਿਚ ਹੰਡਾਈ ਹੋਵੇਗੀ ਜਾਂ ਦੇਖੀ ਹੋਵੇਗੀ ਨੂੰ ਬਿਆਨ ਕੀਤਾ ਹੈ। ਬਲਦੇਵ ਸਿੰਘ ਦੇ ਲਿਖਣ ਦਾ ਢੰਗ ਬਹੁਤ ਅਲੱਗ ਲੱਗਾ। ਇਕ ਲਿਖੇ ਹੋਏ ਅੱਖਰ ਇਕ ਕਹਾਣੀ ਵੀ ਲੱਗਦੇ, ਸੱਚਾਈ ਵੀ ਹੁੰਦੇ ਆ ਤੇ ਲੇਖ ਦੀ ਤਰਾਂ ਵੀ ਹੁੰਦੇ ਆ। ਕਹਿਲੋ ਕਿ ਤਿੰਨਾਂ ਦਾ ਸੁਮੇਲ ਹੈ।ਕਿਉਂਕਿ ਬਲਦੇਵ ਸਿੰਘ ਕੋਈ ਵੀ ਘਟਨਾ ਦੱਸਦਾ ਹੈ ਤਾਂ ਇਕ ਕਹਾਣੀ ਵਾਂਗ ਪਾਤਰਾਂ ਤੋਂ ਗੱਲ ਕਰਵਾਂਉਦਾ ਹੈ। ਇਸ ਵਿਚ ਆਪਣੇ ਕਥਨ ਵੀ ਜੋੜਦਾ ਹੈ। ਜੋ ਕਿ ਇਸਦੇ ਆਪਣੇ ਮਨ ਦੇ ਵਿਚਾਰ ਹੁੰਦੇ ਹਨ ਤੇ ਨਾਲ ਦੀ ਨਾਲ ਸੱਚੀਆਂ ਘਟਨਾਵਾਂ ਨੂੰ ਵੀ ਦੱਸਦਾ ਹੈ। ਹਰ ਕੋਈ ਸੋਚਦਾ ਡਰਾਇਵਰ ਬੜੇ ਮਾੜੇ ਹੁੰਦੇ। ਬਲਦੇਵ ਸਿੰਘ ਨੇ ਡਰਾਇਵਰ ਦਾ ਦੂਜਾ ਪਾਸਾ ਸਾਹਮਣੇ ਲਿਆਂਦਾ। ਇਕ ਡਰਾਇਵਰ ਘਰ ਤੋਂ ਦੂਰੀ, ਬੱਚਿਆ ਤੋਂ ਦੂਰੀ, ਮਾਂ ਬਾਪ ਤੋਂ ਦੂਰੀ, ਪਤਨੀ ਤੋਂ ਦੂਰੀ ਹਰ ਸਮੇਂ ਖਤਰੇ ਵਾਲੀ ਜਿੰਦਗੀ ਜਿਉਂਦਿਆ ਵੀ ਖੁਸ਼ ਰਹਿਣ ਦੀ ਕੋਸ਼ਿਸ਼ਾਂ ਵਿਚ ਰਹਿੰਦਾ ਹੈ। ਸ਼ਾਇਦ ਇਹ ਗੱਲਾਂ ਸਾਨੂੰ ਬੁਰੀਆ ਲੱਗ ਜਾਂਦੀਆ। ਆਖਿਰ ਉਹ ਵੀ ਤਾਂ ਇਕ ਇਨਸਾਨ ਹਨ। ਉਹਨਾਂ ਨੂੰ ਵੀ ਤਾਂ ਮਨ ਪਰਚਾਵਾ ਚਾਹੀਦਾ। ਆਖਿਰ ਵਿਚ ਸੜਕਨਾਮਾ ਪੜ ਕੇ ਲੱਗਾ ਕਿ ਚੰਗੀਆਂ ਪੁਸਤਕਾਂ ਦੀ ਸੂਚੀ ਵਿਚ ਇਸਦਾ ਕਾਫੀ ਉੱਚਾ ਸਥਾਨ ਹੈ। "ਸੜਕਨਾਮਾ"ਪੜਨ ਦਾ ਸੁਝਾਅ ਦੇਣ ਵਾਲੇ ਦਾ ਧੰਨਵਾਦ ਕੀਤੇ ਬਿਨਾਂ ਨਹੀਂ ਰਿਹਾ ਗਿਆ। ਇਹ ਕਿਤਾਬ ਉਹਨਾਂ ਕਿਤਾਬਾਂ ਵਿਚੋਂ ਹੈ ਜਿਸਨੂੰ ਮਨ ਕਰਦਾ ਹੈ ਪੜ ਲਿਆ ਜਾਵੇ ਸਭ ਕੁਝ ਫਟਾਫਟ ਪਰ ਮੁੱਕ ਜਾਂਦੀ ਫਿਰ ਦੁੱਖ ਹੁੰਦਾ ਇੰਨੀ ਜਲਦੀ ਮੁੱਕ ਗਈ। ਕੱਲ ਕਾਲਜ਼ ਜਾਂਦਿਆ ਸੜਕ ਤੇ ਇੱਕ ਸਕੂਟਰ ਵਾਲੇ ਅੰਕਲ ਨੇ ਇੱਕ ਦਮ ਟਰੱਕ ਦੇ ਸਾਹਮਣੇ ਤੋਂ ਸਕੂਟਰ ਕੱਟਿਆ ਤਾਂ ਟਰੱਕ ਵਾਲੇ ਨੇ ਬਾਰੀ ਥਾਣੀ ਮੂੰਹ ਬਾਹਰ ਕੱਡ ਕੇ ਚਾਰ ਗਾਹਲਾਂ ਕੱਡੀਆ ਤਾਂ ਲੱਗਾ ਕੇ ਜਰੂਰ ਬਾਸਾਂ ਇੰਝ ਦਾ ਹੀ ਹੋਵੇਗਾ। |
Authors : Antoine De Saint-Exupery
Page :
Format : Paper Back
Language : Punjabi
| Nikka Shehzada by Antoine De Saint-Exupery Punjabi Novel book Online |
ਨਿੱਕਾ ਸ਼ਹਿਜਾਦਾ ਆਪਣੇ ਇਕ ਛੋਟੇ ਘਰ ਜਿੰਨੇ ਗ੍ਰਹਿ ਨੂੰ ਛੱਡ ਕੇ ਦੂਸਰੇ ਗ੍ਰਹਿ ਦੀ ਸੈਰ ਤੇ ਜਾਣ ਦਾ ਰਿਸਕ ਲੈਂਦਾ ਹੈ। ਹਾਲਾਂਕਿ ਕਿ ਉਹ ਆਪਣੇ ਤੇ ਆਪਣੇ ਇਕ ਗੁਲਾਬ ਦੇ ਫੁੱਲ ਤੇ ਦੋ ਛੋਟੇ ਜਵਾਲਾਮੁਖੀਆਂ ਨਾਲ ਬਹੁਤ ਖੁਸ਼ ਸੀ। ਆਪਣੀ ਗ੍ਰਹਿਆਂ ਦੀ ਯਾਤਰਾ ਦੋਰਾਨ ਉਹ ਕਾਫੀ ਲੋਕਾਂ ਨੂੰ ਮਿਲਦਾ ਹੈ। ਪਰ ਉਹ ਉਹਨਾਂ ਵਿੱਚੋਂ ਕਿਸੇ ਵਰਗਾ ਨਹੀਂ ਬਣਨਾ ਚਾਹੁੰਦਾ। ਨਾ ਰਾਜੇ ਵਰਗਾ, ਨਾ ਅਭਿਮਾਨੀ ਵਿਅਕਤੀ ਵਾਂਗ, ਨਾ ਉਸ ਖੋਜੀ ਵਾਂਗ ਜਿਸ ਨੇ ਕੁਝ ਨਹੀਂ ਖੋਜਿਆ ਤੇ ਨਾ ਉਸ ਬੱਤੀ ਜਗਾਉਣ ਵਾਲੇ ਵਾਂਗ ਜਿਸਨੂੰ ਸਿਰਫ ਆਪਣੇ ਬੱਤੀ ਜਗਾਉਣ ਵਾਲੇ ਕੰਮ ਨਾਲ ਮਤਲਬ ਹੈ। ਤੇ ਤਾਰਿਆਂ ਦਾ ਹਿਸਾਬ ਕਿਤਾਬ ਰੱਖਣ ਵਾਲੇ ਵਿਅਕਤੀ ਵਾਂਗ ਜੋ ਹਮੇਸ਼ਾ ਤਾਰੇ ਹੀ ਗਿਣਦਾ ਰਹਿੰਦਾ ਹੈ। ਸ਼ਾਇਦ ਆਪਾਂ ਵੀ ਕਦੀ ਇੰਝ ਦੇ ਨਾ ਬਣਨਾ ਚਾਹਿਏ। ਪਰ ਅਸੀਂ ਬਣਦੇ ਇੰਝ ਦੇ ਹੀ ਹਾਂ ਬਾਕੀ ਸਭ ਗੱਲਾਂ ਦੀ ਮਹੱਤਤਾ ਖਤਮ ਹੋ ਜਾਂਦੀ ਹੈ। ਜੋ ਛੋਟੇ ਹੁੰਦਿਆਂ ਬਹੁਤ ਮਹੱਤਵਪੂਰਨ ਲੱਗਦੀਆਂ ਹਨ। ਸਿਰਫ ਪੈਸਿਆਂ ਦਾ ਹਿਸਾਬ ਰੱਖਦੇ ਰਹਿ ਜਾਂਦੇ ਹਾਂ, ਤਾਰੇ ਗਿਣਨ ਵਾਲੇ ਵਿਅਕਤੀ ਵਾਂਗ।
ਛੋਟਾ ਸ਼ਹਿਜਾਦਾ ਕਿਤਾਬ Antonic DE Saint - Expery ਨੇ ਲਿਖੀ ਹੈ। ਇਹ ਕਿਤਾਬ ਦੋ ਵਾਰ ਪੜ੍ਹਨ ਵਾਲੀ ਹੈ ਇਕ ਬਚਪਨ ਵਿੱਚ ਇਕ ਵਾਰ ਜਵਾਨੀ ਵਿੱਚ। ਇਹ ਕਿਤਾਬ ਉਹਨਾਂ ਕਿਤਾਬਾਂ ਵਿੱਚੋ ਹੈ ਜਿਨ੍ਹਾਂ ਕੋਈ ਵੀ ਬੱਚਾ ਪੜ੍ਹੇ ਬਿਨਾਂ ਨਹੀਂ ਰਹਿਣਾ ਚਾਹੀਦਾ ਤੇ ਕਿੰਨਾ ਵੀ ਜਵਾਨ ਨੂੰ ਇਹ ਕਿਤਾਬ ਭੁੱਲਣੀ ਨਹੀਂ ਚਾਹੀਦੀ। ਨਿੱਕਾ ਸ਼ਹਿਜਾਦਾ ਭੋਲੇਪਨ ਵਿੱਚ ਬਹੁਤ ਗੱਲਾਂ ਸਿਖਾ ਜਾਂਦਾ ਹੈ। ਕਿਤਾਬ ਬੱਚਿਆਂ ਲਈ ਹੈ। ਪਰ ਇਸਦੇ ਅਰਥ ਬਹੁਤ ਡੂੰਘੇ ਹਨ ਸ਼ਾਇਦ ਇਹ ਵੱਡਿਆਂ ਲਈ ਵੀ ਹੈ।
Authors : Paulo Coelho
Page :
Format : Paper Back
Language : Punjabi
The Alchemist by Paulo Coelho in Punjabi Language as Supansaaz (Punjabi translation).
| Supansaaz by Paulo Coelho Punjabi Novel book Online ਅਸੀ ਸੁਪਨੇ ਲੈਂਦੇ ਹਾਂ ਕੁਝ ਵੱਡਾ ਕਰਨ ਦੀ ਸੋਚਦੇ ਹਾਂ, ਕੁਝ ਨਹੀਂ ਤੁਰਦੇ, ਕੁਝ ਤੁਰ ਪੈਂਦੇ ਹਨ। ਸੁਪਨੇ ਪੂਰੇ ਕਰਨ ਲਈ, ਜੂਝਦੇ ਹਾਂ ਹਲਾਤਾਂ ਨਾਲ ਆਪਣੇ ਸੁਪਨਿਆਂ ਲਈ। ਜਿਵੇਂ ਬਜ਼ਾਰ ਵਿਚ ਕੋਈ ਚੀਜ਼ ਲੈਣ ਲਈ ਉਸਦਾ ਮੁੱਲ ਤਾਰਨਾ ਪੈਂਦਾ ਹੈ। ਉਂਝ ਹੀ ਮੁੱਲ ਤਾਰਦੇ ਹਾਂ। ਆਪਣੇ ਸੁਪਨਿਆਂ ਲਈ ਆਪਣੀ ਨੀਂਦ ਤਿਆਗ ਕੇ, ਆਪਣਾ ਆਰਾਮ ਤਿਆਗ ਕੇ, ਆਪਣਾ ਮਨੋਰੰਜਨ ਤਿਆਗ ਕੇ ,ਔਖਾ ਲੱਗਦਾ ਹੈ ਇਹ ਸਭ, ਕਿਉਂਕਿ ਆਰਾਮ ਕਰਨਾ, ਸੌਣਾ ਬਹੁਤ ਸੋਖਾ ਹੁੰਦਾ ਹੈ, ਸੁਪਨਿਆਂ ਦੇ ਲਈ ਮਿਹਨਤ ਕਰਨ ਨਾਲੋਂ। ਪਰ ਅਸੀਂ ਇਹ ਸਭ ਆਪਣੇ ਸੁਪਨਿਆਂ ਦੀ ਕੀਮਤ ਦੇ ਰੂਪ ਵਿਚ ਭਰਦੇ ਹਾਂ। ਫਿਰ ਕਈ ਵਾਰ ਕਿ ਹੁੰਦਾ ਹੈ ਕਿ ਸਾਡੀ ਅੰਦਰਲੀ ਚਿੰਗਾਰੀ ਬੁੱਝ ਜਾਂਦੀ ਹੈ, ਤੇ ਅਸੀਂ ਉਸ ਸੁਪਨੇ ਦਾ ਪਿੱਛਾ ਕਰਨਾ ਛੱਡ ਦਿੰਦੇ ਹਾਂ। ਇਸਦੇ ਕਈ ਕਾਰਣ ਹੁੰਦੇ। ਕਈ ਵਾਰ ਅਸੀਂ ਥੱਕ ਜਾਂਦੇ ਹਾਂ, ਤੇ ਕਈ ਵਾਰ ਅਸੀਂ ਇਕ comfort zone ਵਿਚ ਰੁੱਕ ਜਾਂਦੇ ਹਾਂ, ਮਹਿਸੂਸ ਕਰਦੇ ਹਾਂ ਕਿ ਇੱਥੇ ਹੀ ਅਸੀਂ ਸੰਤੁਸ਼ਟ ਹਾਂ। ਅਸੀਂ ਜੀਵਨ ਦੇ ਚੱਕਰ ਵਿਚ ਫੱਸ ਜਾਂਦੇ ਹਾਂ, ਭੁੱਲ ਜਾਂਦੇ ਹਾਂ ਆਪਣੇ ਸੁਪਨੇ। ਫਿਰ ਸੁਪਨੇ, ਸੁਪਨੇ ਹੀ ਰਹਿ ਜਾਂਦੇ ਹਨ। 1-2 ਸਾਲ ਆਪਣਾ comfort zone ਤੇ ਆਪਣਾ ਇਸ ਵਿਚ ਰਹਿਣ ਦਾ ਫੈਂਸਲਾ ਠੀਕ ਲੱਗਦਾ ਹੈ, ਤੇ ਫਿਰ ਸੁਪਨੇ ਆਉਂਦੇ ਹਨ, ਵਾਪਸ ।ਸਮਾਂ ਲੰਘ ਜਾਂਦਾ ਹੈ। ਸੁਪਨੇ ਮਨ ਨੂੰ ਕਟੋਚਦੇ ਹਨ। ਕਿਉਂ ਨਹੀਂ ਕੀਤੀ ਉਦੋਂ ਹਿੰਮਤ, ਕਿਉਂ ਆਲਸ ਪਾਇਆ ਸੀ। ਮੈਂਨੂੰ ਲੱਗਦਾ ਜੇ ਆਪਣੇ ਸੁਪਨੇ ਨਾ ਪੂਰੇ ਕੀਤੇ ਤਾਂ ਬੱਚਿਆਂ ਨੂੰ ਸੁਣਾਉਣ ਲਈ ਆਮ ਕਹਾਣੀਆਂ ਹੀ ਹੋਣਗੀਆਂ। ਪਰ ਜੇਕਰ ਪੂਰੇ ਕਰ ਲਏ ਤਾਂ ਉਹ ਸੱਚੀਆਂ ਕਹਾਣੀਆਂ ਹੋਣਗੀਆਂ। ਮੇਰੀਆਂ ਆਪਣੀਆਂ। ਆਪਣੇ ਅੰਤਮ ਵੇਲੇ ਮੈਂਨੂੰ ਆਪਣੇ ਮਨ ਵਿਚ ਕਹਾਣੀਆਂ ਚਾਹੀਦੀਆਂ ਹਨ ਨਾਂ ਕਿ ਜ਼ਿੰਦਾ ਦਫ਼ਨ ਸੁਪਨੇ। "ਸੁਪਨਸਾਜ਼" - THE ALCHEMIST ਇਕ ਜਾਦੂਈ ਕਿਤਾਬ, ਪਾਉਲੋ ਕੋਲਹੋ ਦਾ ਇਕ ਨਾਵਲ। ਇੱਕ Quote ਬਹੁਤ ਇੰਟਰਨੈੱਟ ਉੱਪਰ ਪੜਿਆ ਕਿ "BOOK ARE UNIQUELY PORTABLE MAGIC". ਅੱਜ ਯਕੀਨ ਹੋ ਗਿਆ। ਸੱਚੀ ਕਿਤਾਬ ਹੱਥ ਵਿਚ ਫੜੀ ਕਿ ਇੰਝ ਮਹਿਸੂਸ ਹੋਇਆ ਜਿਵੇਂ ਇਕ MAGIC WAND ਹੋਵੇ। ਇੰਨੀ ਵਧੀਆ ਲੱਗੀ ਕਿਤਾਬ ਕਿ ਇਸੇ ਲੇਖਕ ਦੀਆਂ ਬਾਕੀ ਕਿਤਾਬਾਂ ਪੜਨ ਦਾ ਮਨ ਕਰ ਆਇਆ। "ਸੁਪਨਸਾਜ਼" ਹੈ ਤਾਂ ਇੱਕ ਨਾਵਲ, ਪਰ ਇਕ ਮੋਟੀਵੇਸ਼ਨਲ SELF HELP ਕਿਤਾਬ ਲੱਗੀ। ਸ਼ਬਦਾਂ ਵਿਚ ਜਾਦੂ ਹੈ। ਹਰੇਕ ਅੱਖਰ ਇਸਦਾ ਮੁੱਲ ਮੋੜਦਾ ਹੈ। "ਸੁਪਨਸਾਜ਼" ਪਤਾ ਨਹੀਂ ਕੀ ਹੈ, ਇਹ ਸਾਨੂੰ ਸੁਪਨੇ ਲੈਣਾ ਸਿਖਾਉਂਦੀ ਹੈ। ਸੁਪਨਿਆਂ ਲਈ ਮਿਹਨਤ ਕਰਨਾ ਦੱਸਦੀ ਹੈ। ਸੁਪਨੇ ਪੂਰੇ ਕਰਨ ਦਾ ਤਰੀਕਾ ਦੱਸਦੀ ਹੈ। ਸੁਪਨੇ ਪੂਰੇ ਕਰਨ ਲਈ ਉਤਸਾਹਿਤ ਕਰਦੀ ਹੈ। ਉਮੰਗ ਭਰਦੀ ਹੈ। ਹੋਂਸਲਾ ਦਿੰਦੀ ਹੈ। ਬਾਂਹ ਫੜਦੀ ਹੈ। ਨਾਲ ਲੈ ਕੇ ਚੱਲਦੀ ਹੈ। ਇਹ ਸਭ ਪਾਉਲੋ ਕੋਲਹੋ ਅਧਿਆਤਮਿਕਤਾ ਯਥਾਰਥਵਾਦ ਤੇ ਰੇਗਿਸਤਾਨ ਲੋਕ ਗਾਥਾ ਦੇ ਇੱਕਠ ਨਾਲ ਇਕ ਨਾਵਲ ਦੇ ਰੂਪ ਵਿਚ ਲਿਖ ਦਿੱਤਾ ਹੈ। |
Authors : Anil Barve Amarjit Chandan
Page :
Format : Pepar Back
Language : Punjabi
| Parbaton Bhari Mout by Anil Barve Amarjit Chandan Punjabi Novel book Online |
Authors : Sumit Kaur
Page :
Format : Paper Back
Language : Punjabi
| Dil Dariya by Sumit Kaur Punjabi Novel book Online |
ਦਿਲ ਦਰਿਆ ਕਿਤਾਬ ਦਾ ਨਾਮ ਪੜਿਆ ਤਾਂ ਲੱਗਿਆ ਕਿ ਇਸ ਵਿਚ ਦਿਲ ਤੇ ਦਰਿਆ ਵਾਂਗ ਡੂੰਘੇ ਹੋਣ ਦੀ ਗੱਲ ਹੋਏਗੀ। ਦਿਲ ਨਾਲ ਜੁੜੀਆਂ ਚੀਜ਼ਾਂ ਤਾਂ ਮੈਂਨੂੰ ਵੈਸੇ ਵੀ ਬਹੁਤ attract ਕਰਦੀਆਂ ਹਨ ਪਤਾ ਨਹੀਂ ਕਿਉਂ।232 ਪੇਜ਼ ਦਾ ਨਾਵਲ 3 ਦਿਨ ਵਿਚ ਖਤਮ ਕਰ ਦਿੱਤਾ। ਘਰ ਦੀਆਂ ਕੁਝ ਮਜਬੂਰੀਆਂ ਐਂਵੇ ਹੋ ਜਾਂਦੀਆਂ ਕਿ ਲਗਾਤਾਰ ਟਾਈਮ ਨਹੀਂ ਮਿਲ ਪਾਂਦਾ ਪੜਨ ਦਾ। ਪਰ ਜਿਵੇਂ ਵੀ ਸੀ ਦਿਨ ਰਾਤ ਇਕ ਕਰ ਕੇ ਪੜਿਆ ਇਹ ਨਾਵਲ। ਰੂਹ ਖ਼ੁਸ਼ ਹੋ ਗਈ। ਲੱਗ ਰਿਹਾ ਸੀ ਕਿ ਸੁਮਿਤ ਕੌਰ ਨੇ ਤਾਂ ਮੇਰੀ ਪੂਰੀ life ਹੀ ਲਿੱਖ ਦਿੱਤੀ ਇਸ ਵਿਚ। harman ਦੇ ਪਿਆਰ ਕਰਨ ਤੋਂ ਲੈ ਕੇ ਦਿਲ ਟੁੱਟਣ ਤੱਕ ਸਿਰਫ ਤੇ ਸਿਰਫ ਮੈਂ ਆਪਣੇ ਆਪ ਨੂੰ ਹੀ ਦੇਖਿਆ। ਮੇਰੀ life ਵੀ ਤਾਂ ਬਿਲਕੁਲ ਐਂਵੇ ਹੀ ਬਣ ਗਈ ਸੀ। ਉਸ ਇਨਸਾਨ ਦੇ ਜਾਣ ਤੋਂ ਬਾਦ। ਹਰਮਨ ਦੀ ਕਹੀ ਹਰ ਗੱਲ ਜਿਵੇਂ "ਕੋਈ ਇਨਸਾਨ ਇਨਾਂ ਵੀ ਖਾਸ ਹੋ ਜਾਂਦਾ ਕਿ ਸਾਡੀ ਅਰਦਾਸ ਵਿਚ ਵੀ ਸ਼ਾਮਿਲ ਹੋ ਜਾਂਦਾ ਹੈ"। ਬੜੀ ਯਾਦ ਆਉਂਦੀ ਹੈ। ਤੇ ਜਦ ਉਸਨੇ ਕਿਹਾ "ਯਾਰ ਬਾਬੇ ਨੇ ਵੀ ਹੱਦ ਹੀ ਕਰਤੀ ਕੋਈ ਦਰਬਾਰ ਸਾਹਿਬ ਤੋਂ ਮੁੜਿਆ ਹੋਣਾ ਕਦੇ"। ਸੱਚ ਹਰਮਨ ਨੇ ਤਾਂ ਮੇਰੇ ਦਿਲ ਦੀ ਗੱਲ ਬਾਹਰ ਰੱਖ ਦਿੱਤੀ ਜੋ ਸ਼ਾਇਦ ਅੱਜ ਤੱਕ ਮੈਂ ਕਦੇ ਕਿਸੇ ਨੂੰ ਕਹਿ ਹੀ ਨਹੀਂ ਪਾਈ ਸੀ। ਮੈਂ ਵੀ ਤਾਂ ਉਸਨੂੰ ਦਰਬਾਰ ਸਾਹਿਬ ਤੋਂ ਹੀ ਪਾਇਆ ਸੀ ਤੇ ਉਥੇ ਹੀ ਖੋ ਵੀ ਦਿੱਤਾ। ਹਰਮਨ ਦੀ ਤਰਾਂ ਹੀ ਰੱਬ ਨੂੰ ਕਦੇ ਨਾ ਮੰਨਣ ਬਾਰੇ ਸੋਚਿਆ। ਪਰ ਅੰਤ ਉਸੇ ਪਰਮਾਤਮਾ ਨੇ ਜਿੰਦਗੀ ਦਾ ਸਹੀ ਰਾਹ ਦਿਖਾਇਆ। ਟਾਈਮ ਬਹੁਤ ਲੱਗਿਆ ਖੁਦ ਨੂੰ ਸੰਭਾਲਣ'ਚ ਪਰ ਉਹ ਸਹੀ ਟਾਈਮ ਆਇਆ। ਪਰ ਜਿੰਦਗੀ ਫਿਰ ਬਦਲ ਗਈ ਇਕ ਵਾਰ ਜਦ ਹਰਮਨ ਦੀ ਦੁਨੀਆ ਵਿਚ ਜੈਸਮੀਨ ਤੇ ਮੇਰੀ ਜਿੰਦਗੀ ਵਿਚ ਉਹ ਸਖਸ਼ ਦੁਬਾਰਾ ਵਾਪਿਸ ਆਏ। ਪਰ ਇਸ ਵਾਰ ਬਹੁਤ ਕੁਝ ਬਦਲ ਚੁੱਕਾ ਸੀ। ਕਿਉਂਕਿ ਪਹਿਲਾਂ ਜਿਸ ਇਨਸਾਨ ਦੇ ਜਾਣ ਕਰਕੇ ਦੁੱਖ ਹੀ ਸੀ ਚਾਰੇ ਪਾਸੇ। ਹੁਣ ਇਹ ਅਹਿਸਾਸ ਸੀ ਕਿ ਜੇ ਇਹ ਇਨਸਾਨ ਉਸ ਟਾਈਮ ਮੈਂਨੂੰ ਮਿਲ ਜਾਂਦਾ ਤਾਂ ਕੁਝ ਨਹੀਂ ਸੀ ਸਿਖ ਪਾਣਾ ਜਿੰਦਗੀ ਤੋਂ। ਅੰਤ ਹਰਮਨ ਨੇ ਜਿਵੇਂ ਜੈਸਮੀਨ ਨੂੰ ਆਜ਼ਾਦ ਕੀਤਾ ਤੇ ਖੁਦ ਵੀ ਹੋਇਆ ਮੈਂ ਵੀ ਇਹੀ ਫੈਸਲਾ ਲਿਆ। ਹੁਣ ਜਿੰਦਗੀ ਪਹਿਲਾਂ ਨਾਲੋਂ ਹਲਕੀ ਤੇ ਆਰਾਮਦਾਇਕ ਲੱਗ ਰਹੀ ਹੈ। ਸੁਮਿਤ ਕੌਰ ਨੇ ਇਕ ਨਵੀਂ ਜਾਨ ਪਾਈ ਹੈ ਇਸ ਨਾਵਲ ਦੇ ਜ਼ਰੀਏ ਤੇ ਅੱਖਾਂ ਵਿਚ ਹੰਝੂਆਂ ਦੀ ਬਾਰਿਸ਼।
ਧੰਨਵਾਦ।
Authors : Waryan Singh Sandhu
Page :
Format : Paper Back
Language : Punjabi
| Chauthi Koot by Waryam Singh Sandhu Punjabi Stories book Online ਵਰਿਆਮ ਸਿੰਘ ਸੰਧੂ ਦੀ ਕਿਤਾਬ "ਚੌਥੀ ਕੂਟ" ਪੜੀ। ਮਤਲਬ ਚੌਥੀ ਦਿਸ਼ਾ। ਇਸ ਵਿਚ ਪੰਜ ਕਹਾਣੀਆਂ ਹਨ।ਇਸ ਕਿਤਾਬ ਨੂੰ 2000 ਵਿਚ ਸਾਹਿਤ ਅਕੈਡਮੀ ਅਵਾਰਡ ਮਿਲਿਆ ਸੀ ਤੇ ਚੌਥੀ ਕੂਟ ਨਾਮ ਫਿਲਮ ਵੀ ਬਣੀ।ਇੱਕ ਕਹਾਣੀ ਪੰਜਾਬ ਦੀ ਵੰਡ ਦੇ ਦੁਖਾਂਤ,ਤਿੰਨ ਕਹਾਣੀਆਂ 1984 ਦੇ ਬਾਅਦ ਦੀਆਂ ਹਨ ਅਤੇ ਇਕ ਕਹਾਣੀ ਬਹੁਤ ਅਲੱਗ ਹੈ। ਮੈਨੂੰ ਲੱਗਾ ਕਿ ਜੇਕਰ ਇਸ ਕਿਤਾਬ ਦੀ ਕਹਾਣੀ "ਮੈਂ ਹੁਣ ਠੀਕ ਠਾਕ ਹਾਂ" ਪੜ ਲਈ ਜਾਵੇ ਤਾਂ ਸ਼ਾਇਦ 1984 ਦੇ ਬਾਅਦ ਦੇ ਵਰਿਆ ਦਾ ਦੁਖਾਂਤ ਸਮਝਣ ਲਈ ਹੋਰ ਕੁਝ ਪੜਨ ਦੀ ਲੋੜ ਨਹੀਂ ਹੈ। ਉਹ ਵਰੇ ਛੋਟੇ ਕਿਸਾਨਾਂ ਲਈ ਬਹੁਤ ਮੁਸ਼ਕਿਲ ਵਰੇ ਸਨ। ਜੋ ਖੇਤਾਂ ਕਰ ਕੇ ਖੇਤਾਂ ਵਿਚ ਘਰ ਬਣਾ ਕੇ ਬੈਠੇ ਸਨ। ਸ਼ਾਇਦ ਸਭ ਤੋਂ ਵੱਧ ਉਹਨਾਂ ਨੇ ਜਰਿਆ ਹੈ। ਕਬੱਡੀ ਦੇ ਮੈਦਾਨ ਵਿਚ ਜੋਗਿੰਦਰ ਵਲੋਂ ਫੜੀ ਬਾਂਹ ਨਾ ਕਦੇ ਕੋਈ ਛੁਟੀ ਸੀ। ਪਰ ਅੱਜ ਉਹ ਦੋਵਾਂ ਧਿਰਾਂ ਸਾਹਮਣੇ ਕਮਜੋਰ ਸੀ। ਉਹ ਕਿਸੇ ਦੇ ਪੱਖ ਚ ਨਹੀ ਸੀ। ਪਰ ਫਿਰ ਵੀ ਦੋਨਾਂ ਧਿਰਾਂ ਦਾ ਗੁਨਾਹਗਾਰ ਸੀ। ਆਪਣੇ ਬਚਪਨ ਦਾ ਪਾਲਿਆ ਕੁੱਤਾ ਟੋਮੀ ਮਾਰਨ ਲੱਗਿਆ ਪਤਾ ਨਹੀ ਕਿੰਨੀ ਕੁ ਲੜਾਈ ਉਸਨੂੰ ਆਪਣੇ ਨਾਲ ਲੜਨੀ ਪਈ। 1984 ਅਤੇ ਉਸਦੇ ਬਾਅਦ ਹੋਏ ਸਾਰੇ ਘਟਨਾਕ੍ਰਮ ਵਿਚ ਕੀ ਸਹੀ ਸੀ ਕੀ ਗ਼ਲਤ ਬਹੁਤ ਵੱਡਾ ਵਿਸ਼ਾ ਹੈ। ਪਰ ਜਿਸਦਾ ਕੋਈ ਜੀਅ ਇਸ ਲਹਿਰ ਦੀ ਭੇਂਟ ਚੜ ਗਿਆ। ਉਸ ਲਈ ਤਾਂ ਇਹ ਕਦੇ ਵੀ ਸਹੀ ਨਹੀ ਹੋ ਸਕਦੀ। " ਚੌਥੀ ਕੂਟ" ਕਹਾਣੀ ਇਕ ਆਮ ਇਨਸਾਨ ਦੀ 84 ਦੇ ਬਾਅਦ ਦੇ ਸਾਲਾਂ ਦੀ ਮਨੋਸਥਿਤੀ ਦੀ ਕਹਾਣੀ ਹੈ। ਡਰ! ਕਿਸੇ ਸੁੰਨਸਾਨ ਲੰਬੀ ਸੜਕ ਤੇ ਸਰਦੀਆਂ ਦੀ ਰਾਤ ਨੂੰ ਛਾਈ ਗਹਿਰੀ ਧੁੰਦ ਵਾਂਗ ਸੀ। ਜੋ ਕਈ ਸਾਲ ਮਨਾਂ ਤੇ ਛਾਈ ਰਹੀ। ਹਰ ਸਮਾਂ ਹਰ ਪਲ ਤੇ ਹਰ ਜਗਾ ਤੇ। ਆਪਣਿਆ ਤੋਂ ਵੀ ਡਰ ਤੇ ਬੇਗਾਨਿਆ ਤੋਂ ਵੀ ਡਰ। ਬੇਕਸੂਰ ਹੁੰਦਿਆ ਵੀ ਡਰ। "ਪਰਛਾਵੇਂ" ਕਹਾਣੀ 1947 ਦੀ ਵੰਡ ਤੇ ਅਧਾਰਿਤ ਹੈ। ਲੋਕ ਅਚਾਨਕ ਬਦਲ ਜਾਂਦੇ ਹਨ। ਪਤਾ ਨਹੀ ਕੀ ਆ ਜਾਂਦਾ ਉਹਨਾਂ ਵਿਚ। ਰਵਾ ਦਿੱਤਾ "ਨੌ ਬਾਰਾਂ ਦੱਸ" ਨੇ ਤਾਂ। ਸਾਡੀ ਰਿਸ਼ਤੇਦਾਰੀ ਵਿਚ ਇਕ ਸਿੱਧਾ-ਸਾਧਾ ਮੁੰਡਾ ਸੀ। ਉਸਨੇ ਅੰਗ੍ਰੇਜ਼ੀ ਬੋਲਨੀ ਨਾ ਆਉਂਦਿਆ ਹੋਇਆ ਵੀ ਗਲਤ ਮਲਤ ਜੋ ਮੂੰਹ ਆਇਆ ਬੋਲੀ ਜਾਣੀ। ਉਦੋਂ ਤਾਂ ਪਤਾ ਨਹੀ ਪਰ ਹੁਣ ਮੈਨੂੰ ਕੀ ਲੱਗਦਾ ਕਿ ਸ਼ਾਇਦ ਕਿਸੇ ਨੂੰ ਅੰਗ੍ਰੇਜ਼ੀ ਬੋਲਦੇ ਦੇਖ ਕੇ ਇਕ ਪੇਂਡੂ ਮਨ ਤੇ ਗਹਿਰਾ ਪ੍ਰਭਾਵ ਪੈ ਗਿਆ। ਇੰਜ ਹੀ ਨਿੰਦਰ ਆਪਣੇ ਆਪ ਨੂੰ ਧਰਮਿੰਦਰ ਤੇ ਹੇਮਾ ਮਾਲਿਨੀ ਦਾ ਮੁੰਡਾ ਕਹਿੰਦਾ ਸੀ, ਤੇ ਆਪਣੇ ਆਪ ਨੂੰ ਦਿਉਲ ਜੱਟ ਮੰਨਦਾ ਸੀ। ਤੇ ਆਪਣੇ ਵਿਆਹ ਦੀ ਗੱਲ ਸ਼੍ਰੀ ਦੇਵੀ ਨਾਲ ਚੱਲਦੀ ਦੱਸਦਾ ਸੀ। ਸ਼੍ਰੀ ਦੇਵੀ ਸਾਹਮਣੇ ਤਾਂ ਉਸਨੂੰ ਆਪਣੇ ਪਿੰਡ ਦੀ ਧੰਤੋ ਕੁਝ ਵੀ ਨਹੀ ਲੱਗਦੀ ਸੀ। ਪਰ ਧੰਤੋ ਦਾ ਹਾਸਾ ਉਸਨੂੰ ਸ਼੍ਰੀ ਦੇਵੀ ਵਰਗਾ ਲੱਗਦਾ ਸੀ। ਬਚਪਨ ਦੀ ਰੋਂਦਲ ਧੰਤੋ ਇਕ ਵਾਰ ਫਿਰ ਰੋਂਦ ਮਾਰ ਗਈ। ਜ਼ਿੰਦਗੀ ਦੀ ਪਹਿਲੀ ਵੇਖੀ ਫਿਲਮ ਵਾਂਗ ਪ੍ਰਾਇਮਰੀ ਸਕੂਲ ਦੇ ਲੰਮੀ ਗੁੱਤ ਵਾਲੀ ਬਿੱਲੀਆਂ ਅੱਖਾਂ ਵਾਲੀ ਭੈਣ ਜੀ ਗੁਰਮੀਤ ਦਾ ਅਸਰ ਵੀ ਉਸਦੇ ਮਨ ਤੋਂ ਨਾ ਜਾ ਸਕਿਆ। ਵਰਿਆਮ ਸਿੰਘ ਦੀਆਂ ਇਹਨਾਂ ਕਹਾਣੀਆਂ ਲਈ ਕਈ ਸ਼ਬਦ ਥੋੜੇ ਹਨ। ਪਾਤਰਾਂ ਦੇ ਮਨ ਦੀ ਸਥਿਤੀ ਵਿਚਾਰ ਤੇ ਮਾਹੌਲ ਜਿਸ ਸਾਫ਼ ਤੇ ਕਾਵਿ ਮਈ ਢੰਗਾਂ ਨਾਲ ਚਿਤਰਦੇ ਹਨ। ਹੈਰਾਨੀਜਨਕ ਹੈ। ਕਹਾਣੀ ਬਹੁਤ ਡੂੰਘੀ ਹੈ। ਪੰਜਾਬੀ ਵਿਚ ਕਿਹਾ ਜਾਵੇ ਤਾਂ ਧੂਹ ਪੈਂਦੀ ਹੈ, ਹਰ ਕਹਾਣੀ ਪੜ ਕੇ। "ਮੈਂ ਠੀਕ-ਠਾਕ ਹਾਂ" ਤੇ "ਨੌ ਬਾਰਾਂ ਦੱਸ" ਬਾਰੇ ਸ਼ਬਦ ਨਹੀਂ ਹਨ 
Khirkiya (1-1326-P2461)
se Publisher :
Authors : Narinder Singh Kapoor Page : Format : paper back Language :
Mala Manke (1-1326-P2895)
Publisher :
Authors : Narinder Singh Kapoor Page : Format : paper back Language : Punjabi
Thank You Mr. Glad (1-1326-P5155)
Publisher :
Authors : Anil Barve Page : Format : Paper Back Language : Punjabi
Jado khet Jage (1-1326-P1882)
Publisher :
Authors : Krishan Chander Page : Format : paper back Language : Punjabi
Marhi Da Deeva (1-1326-P6801)
Publisher :
Authors : Gurdial Singh Page : Format : Language : Punjabi
|