Description
ਕਹਾਣੀ ਆਖੀ ਨਹੀਂ ਜਾਂਦੀ ਕਹਾਣੀ ਘਟਦੀ ਹੈ।
ਬਲੀਜੀਤ ਤੇ ਕਥਾ ਦੀ ਸਾਂਝ ਦਾ ਵੇਰਵਾ ਦੇਣਾ ਕਿਤਾਬ ਦੀ ਪਛਾਣ ਕਰਵਾਉਣ ਦਾ ਤਰੀਕਾ ਬੇਸ਼ਕ ਰਵਾਇਤੀ ਹੋਵੇਗਾ ਪਰ ਇਸ ਤੋਂ ਮੁਨਕਰ ਨਹੀਂ ਹੋਇਆ ਜਾ ਸਕਦਾ। ਦੋਵਾਂ ਦੀ ਸਾਂਝ ਦਾ ਸਬੂਤ ਇਸ ਨਿੱਕੀ ਪੋਥੀ ਚ ਹੈ। ਇੱਕ ਤੋਂ ਵੱਧ ਕੇ ਇਕ… ਜਾਨਦਾਰ, ਸ਼ਾਨਦਾਰ, ਜ਼ਬਰਦਸਤ।
ਪ੍ਰਕਾਸ਼ਨਾ ਦੌਰਾਨ ਦੋਸਤ ਗੁਰਪ੍ਰੀਤ ਦੀ ਪੜ੍ਹਤ ਦੇ ਨਾਲ ਇਸ ਦੀਆਂ ਕਿੰਨੀਆਂ ਹੀ ਪੜ੍ਹਤਾਂ ਦਾ ਹਾਸਿਲ ਇਹ ਨਿਕਲਿਆ ਕਿ ਇੱਕ ਇੱਕ ਕਥਾ ਦੇ ਕਿੰਨੇ ਕਿੰਨੇ ਕੋਣ ਹਰ ਪੜ੍ਹਤ ਚ ਬਦਲਦੇ ਗਏ। ਇਬਾਰਤਾਂ ਕਹਾਣੀ ਦਾ ਓਹ ਸੇਫ ਟਾਰਗੇਟ। ਦੁਸ਼ਮਣ ਮਾਰੋ, ਦੋਸਤ ਮਾਰੋ, ਬੱਚਾ ਮਾਰੋ, ਬੁੱਢਾ ਮਾਰੋ, ਬਾਰਾ ਸਿੰਗਾ, ਜੰਗਲੀ ਸੂਰ, ਗਸ਼ਤੀ ਤੇ ਓਹਦਾ ਕਾਉਂਟਰਪਾਰਟ ਗਸ਼ਤਾ… ਤੇ ਉਹ ਬਚਾ ਕੇ ਰੱਖੀ ਇੱਕ ਗੋਲ਼ੀ… ਜਿਹੜੀ ਅਖੀਰ ਤੋਂ ਪਹਿਲਾਂ ਹੀ ਤੁਹਾਡੇ ਵੱਜ ਗਈ ਹੁੰਦੀ ਹੈ।
ਸੌ ਗੱਲਾਂ ਕਹਾਣੀ ਦੀ ਬੇਬੇ ਤੇ ਬੇਬੇ ਥਾਣੀ ਸੌ ਗੱਲਾਂ ਦੀ ਇੱਕ ਗੱਲ।
ਰੇਤ ਦੇ ਘਰ ਦਾ ਓਹ ਮਾਸਾ ਕ ਰੇਤਾ।
ਨੂਣ ਤੇ ਘਰਾਂ ਚੋਂ ਘਰ।
ਜਿਨ੍ਹਾਂ ਬਾਰੇ ਕੁਝ ਕਹਿਣਾ, ਕੁਝ ਕਹਿਣ ਤੇ ਕਹਾਣੀ ਦੋਵਾਂ ਦੀ ਤੌਹੀਨ ਹੀ ਸਮਝੋ। ਇਸ ਸ਼ਾਨਦਾਰ ਚੋਣ ਲਈ ਗੁਰਪ੍ਰੀਤ ਵਧਾਈ ਦਾ ਹੱਕਦਾਰ ਹੈ।
– ਪ੍ਰਕਾਸ਼ਕ
Reviews
There are no reviews yet.